दिननाथ बराल / एचकेनेपाल डट कम –
पोखरा, १ भदौ। पोखरा नागरिक समाज र सहारा क्लवको संयुक्त अगुवाईमा शनिबार पोखरा १७, दोविल्लामा रहेको सहारा एकेडेमि परिसरमा बृक्षारोपण गरिएको छ। कपुर, धुपी, तेजपत्तालगायतका करीब एक सय विरुवा एकेडेमि परिसरमा रोपिएको क्लबले बताए।
अघिल्लो बर्षसमेत नागरिक समाज र क्लबको अगुवाईमा बृक्षारोपण भएको थियो भने यस बर्ष समेत बृक्षारोपण कार्यक्रमलाई निरन्तरता दिइएको नागरिक समाजका रामबहादुर पौडेलले बताए । अघिल्लो बर्ष रोपिएका विरुवाको राम्रो रेखदेख गर्दै आएको क्लवका महासचिव केशवबहादुर थापाले बताए।
कार्यक्रमका प्रमुख अतिथि कास्कीका प्रमुख जिल्ला अधिकारी यादवप्रसाद कोईरालाले जलवायु परिवर्तनको असरले वातावरणमा असर पारेको अबस्थामा आयोजना भएको बृक्षारोपण कार्यक्रम प्रशंसानीय कार्य भएको बताउदै बृक्षारोपण कार्यक्रम टोलटोलमा हुनुपर्ने बताए । उनले सहारा एकेडेमिमा रहेका वालकहरुसंग कुराकानी गर्दैै सहारा एकेडेमिको बारेमा जति सुनेको भए पनि प्रत्यक्ष एकेडेमिमा पुगेपछि आफूले सुनेको भन्दा उल्खेनिय कार्य गरेको महशुस भएको बताए। प्रमुख जिल्ला अधिकारी कोईरालाले सरकारको मुख ताक्ने भन्दा यस्तै खेल गतिविधि अघि बढाएर अन्य क्लबहरुले पनि प्रेरणाको रुपमा लिन सक्ने बताए।
कार्यक्रममा कास्कीका प्रहरी प्रमुख एसपी केदार रिजाल, सशस्त्र प्रहरी वल कालिका गण मालेपाटन पोखराका एसपी दमन थापा, नागरीक समाजका प्रतिनिधि, क्लबका प्रतिनिधि खेलकुदकर्मी तथा विभिन्न संघ संस्थाका प्रतिनिधिहरुको सहभागिता रहेको थियो। सहारा क्लबका अध्यक्ष विक्रम थकालीको अध्यक्षतामा कार्यक्रम सम्पन्न भएको थियो।
तस्वीरः सुदर्शन रञ्जित / एचकेनेपाल डट कम
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
