एचकेनेपाल डट कम संवाददाता-
रामेछाप, २९ साउन। पहिरोमा परेर रामेछाप खिम्ती-२ मा एकै परिवारको ३ सहित ६ जनाको मृत्यु भएको छ। पहिरोमा परेर एक बालक बेपत्ता र ७ जना घाइते भएका छन्।
मृत्यु हुनेहरुमा एकै घरका ५५ वर्षीय भिमबहादुर तामाङ, उनकी श्रीमती ४५ वर्षीया बाटुली र ७५ वर्षीया आमा रहेका छन्। पहिरोले घर पुरिंदा तामाङको १२ वर्षीय छोरा ढल्के बेपत्ता भएका छन्। त्यसैगरी, रामेछाप-४ कटुञ्जेकी ५५ वर्षीया मिठ्ठू थापा, २३ वर्षीया स्वस्थानी थापा र १३ वर्षका केदार थापाको पहिरोमा परी मृत्यु भएको छ। प्रहरीका अनुसार पहिरोले ४ घर बगाएको छ भने किराना पसल, फर्निचर पसल र एक वर्कशप पहिरोले पुरेको छ।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
