मीनप्रकाश उप्रेती/ एचकेनेपाल डट कम-
झापा, झापाका युवा पत्रकार सुब्रत न्यौपानेलाई यसवर्षको यादव पौडेल खोज पत्रकारिता पुरस्कार प्रदान गरिने भएको छ। यादव पौडेल खोज पत्रकारिता कोषले पहिलो पटक पत्रकार न्यौपानेलाई सो पुरस्कार प्रदान गर्न लागेको हो।
भोजपुर गोगनेमा जन्मिएका पत्रकार न्यौपाने १३ वर्षदेखि झापाली पत्रकारितामा क्रियाशील छन्। एभिन्युज टेलिभिजन र नयाँ पत्रिका दैनिकमा कार्यरत २८ वर्षीय न्यौपाने रेडियो भिजन झापाका समाचार प्रमुख पनि हुन्।
पछिल्लो पुस्ताका मेहनती पत्रकार न्यौपानेले झापाको पत्रकारिता क्षेत्रमा पुर्याएको योगदानको कदर स्वरूप उनलाई सो पुरस्कार प्रदान गर्न लागिएको हो । पुरस्कार पत्रकार पौडेल कार्यरत मेची टाइम्स दैनिकले गतवर्ष स्थापना गरेको थियो। एघार हजार एकसय ११ रुपैयाँ राशिको सो पुरस्कार मेची टाइम्स दैनिकको वार्षिकोत्सवको अवसर पारेर प्रदान गरिने सम्पादक तीर्थ सिग्देलले बताउनु भयो।
यादव पौडेल खोज पत्रकारिता पुरस्कार कोषका अध्यक्ष जलकुमार गुरुङको अध्यक्षतामा बसेको बैठकले पत्रकार न्यौपानेलाई सो पुरस्कार दिने निर्णय गरेको थियो। खोज पत्रकारितामा रुचि राख्ने मेचीटाइम्स दैनिकका कार्यकारी सम्पादक पौडेलको २०६८ चैत २१ गते राती बिर्तामोडस्थित नयाँ बसपार्कमा हत्या गरिएको थियो। कोषले खोज पत्रकारितामा कलम चलाउने झापाका एक जना पत्रकारलाई प्रत्येक वर्ष सो पुरस्कार प्रदान गर्ने जनाएको छ ।
आफ्नो विचार व्यक्त गर्नुहोस्
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
