सौरभ श्रेष्ठ / एचकेनेपाल डट कम
टुर्वोग वियरको आयोजनामा भइरहेको हालसम्मकै सबैभन्दा ठूलो म्यूजिकल कन्सर्ट ‘टुर्वोग स्टेज लेट्स गेट लाउड’ हालसम्म भव्यताका साथ नेपालगंज, बुटवल र नारायणघाटमा सम्पन्न भइसकेको छ भने आउँदो भाद्र २७ गते शनिबार धरानको पब्लिक हाइस्कूल मैदानमा नेपालका चर्चित व्याण्डहरु १९७४ एडी, रविन एण्ड द न्यू रिभोलुसन, अभया एण्ड द स्टीम इन्जिन्सका साथै सविन राई र निमा रुम्बा पनि आ–आफ्नै व्याण्डका साथ प्रस्तुत हुँदैछन्।
अहिलेसम्मको कन्सर्टहरु हजारौं दर्शकहरुको भिडबीच भव्य रुपमा सम्पन्न भइसकेकोमा पूर्वाञ्चलका संगीत प्रेमीहरुको लागि आगामी शनिबार धरानको पब्लिक हाइस्कूलमा टुर्वोग स्टेज लेट्स गेट लाउड कन्सर्ट आयोजना हुँदैछ। धरानमा पूर्वको हजारौ दर्शकहरुको सहभागिताको अपेक्षा गरिएको उक्त कन्सर्टको प्रचारका लागि आजदेखि टुर्वोग म्यूजिकल ट्रक शो समेत आयोजना गरिदैछ। उक्त ट्रक शो आज भाद्र २३ गते बर्दिवासको बजारमा भाद्र २४ गते गाइघाटको ट्राफिक चौकमा भाद्र २५ गते इटहरीको मुख्य चौकमा भाद्र २६ गते विराटनगरको महेन्द्र चौकमा र भाद्र २७ गते विर्तामोडको मुत्ति चौकमा आयोजना हुँदैछ। म्यूजिक ट्रक शोमा जमुना जोशी र नवराम राई लगायतका गायक गायिकाहरुले आफ्ना चर्चित गीतहरु प्रस्तुत गर्नेछन् भने उक्त शोमा धरानमा हुने कन्सर्टको बारेमा जानकारी दिनुका साथै भाग्यशाली दर्शकहरुलाई कन्सर्टको गोल्डपास समेत बाँडिनेछ।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
