प्रहरी जवानले आफ्नै छातीमा गोली हाने
एचकेनेपाल डट कम संवाददाता-
बाँके, १२ साउन। बाँके कुसुमको सशस्त्र प्रहरी बेश क्याम्पमा कार्यरत सशस्त्र प्रहरी जवान राजु थापाले आफैले छातीमा गोली हानेर आत्महत्याको प्रयाश गरेका छन्। आफैले बोकेको एसएलआरको गोली प्रहारबाट गम्भीर घाइते भएका थापाको कोहलपुर शिक्षण अस्पतालमा उपचार भईरहेको जिल्ला प्रहरी कार्यालय बाँकेका एसपी भुपाल भण्डारीले बताए। उनले घटनाबारे अनुसन्धान भइरहेको बताए।

16.18

इजिप्टको झडपमा १ सयभन्दा बढीको मृत्यु
सेनाद्वारा अपदस्थ इजिप्टका राष्ट्रपति मोहम्मद मुर्सीका समर्थक र विरोधीबीच भएको झडपमा १ सयभन्दा बढीको मृत्यु भएको अन्तर्राष्ट्रिय सञ्चारमाध्यमहरुले जनाएका छन्। राष्ट्रपति मुर्सीको समर्थनमा निकालिएको प्रदर्शनमा हिंसा भड्किंदा कम्तिमा १ सय १० जनाको मृत्यु भएको छ। इजिप्टमा लोकतान्त्रिक रुपमा चुनिएका राष्ट्रपति मुर्सीलाई जुलाई ३ तारिख त्यहाँको सेनाले सत्ताबाट हटाएको थियो। राष्ट्रपति मर्सीको विरोधमा भएको हिंसक प्रदर्शनमा पनि दर्जनौंको मृत्यु भएको थियो।

13.33

भक्तपुरमा फेरि बर्डफ्लु भेटिएपछि ९ हजार कुखुरा नष्
भक्तपुरमा पालिएका कुखुरामा बर्डफ्लु भेटिएपछि ९ हजार कुखुरा नष्ट गरिएको छ। सिपाडोल ९ स्थित हिमाल पोल्ट्री फार्म प्रभात पसःखलको फार्ममा पालिएका कुखुरामा बर्डफ्लु भेटिएको हो। फार्ममा रहेका नौ हजार ५ सय कुखुरामध्ये पाँच हजार ५ सय कुखुरा बर्डफ्लुले मरेका छन्। रोग फैलन नदिन बाँकी कुखुरा नष्ट गरिएको हो। यसअघि, भक्तपुरको मनोहरा र बोडेमा बर्डफ्लु भेटिएको थियो।

13.24

पाकिस्तान बम विस्फोटमा कम्ती ३९ को मृत्यु
अफगानिस्तानको सीमा नजिक पाकिस्तानको कुर्रमको आदिवासी क्षेत्र पाराचिनार शहरमा भएको शक्तिशाली बम विस्फोटमा परी कम्तीमा ३९ जनाको मृत्यु भएको छ। विस्फोटमा एकसय बढी घाइते भएका छन्। शिया मुस्लिमहरुको बाहुल्य रहेको यस क्षेत्र सुन्नीहरुको निशानामा रहंदै आएको छ। विस्फोट दुई मस्जिदनजिक भएको समाचार एजेन्सीहरुले बताएका छन्।

12.56

डिएसपी नै घुस लिदालिदै रंगे हात पक्राउ
अख्तियार दुरुपयोग अनुसन्धान आयोगले कलंकीमा ३५ हजार घुस लिइरहेको अवस्थामा डीएसपी तेजेन्द्र पौडेललाई पक्राउ गरी हिरासतमा लिएको छ। उनले कवाडी सामान काठमाडौंबाट उपत्यका बाहिर लैजाने क्रममा घुस मागेका थिए। उनी ६ दिनअघिमात्र निरीक्षकबाट नायब उपरीक्षकमा बढुवा भएका थिए।


आफ्नो विचार व्यक्त गर्नुहोस्


Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b


हामीसंगै रहनको लागिः फेसबुक | ट्विटर | गुगल प्लस