भीम के सी कमल/ एचकेनेपाल डट कम-
लिस्बन, गैरआवासीय नेपाली संघ पोर्चुगलको एक प्रतिनिधिमण्डलले पोर्चुगलमा रहेका नेपालीहरुका बिबिध समस्याहरुको बिषयमा पूर्वप्रधानमन्त्री एबम् नेपाल कम्युनिष्ट पार्टी एमालेका अध्यक्ष झलनाथ खनालसंग भेट गरेको छ।
गैरआवासीय नेपाली संघ पोर्चुगलका सल्लाहकार झलक के सी, सचिब नबिन गौतम लगायतका पदाधिकारीहरु सम्मिलित उक्त प्रतिनिधिमण्डलले भेटको अवसरमा पोर्चुगलमा बसोबास गर्ने नेपालीहरुको बर्तमान अबस्था, नेपालीहरुले भोग्नु परेका कुटनैतिक समस्याहरु, पोर्चुगलमा नेपाली कन्सुलरको आवश्यकता इत्यादि बिषयमा छलफल गरेको छ।
प्रतिनिमण्डलले नेपाल सरकारका उच्च पदाधिकारीहरु तथा अन्य उच्च राजनैतिक नेतृत्वलाई समेत भेटी पोर्चुगलका नेपालीहरुका समस्याहरु अवगत गराउने कार्यक्रम रहेको छ।
हामीसंगै रहनको लागिः फेसबुक | ट्विटर | गुगल प्लस
