युवराज थापा / एचकेनेपाल डट कम –
दोहा, कतार। एनआरएनए एनसीसीको अगष्ट २३, २०१३ मा सम्पन्न हुने पाँचौं अधिवेशनमा प्रथम उपाध्यक्षका लागि पत्रकार तिलविक्रम थेवेले उमेदवारी घोषणा गरेका छन्।
अढाई दशकदेखि पत्रकारितामा सक्रिय रहेका थेवे वैदेशिक रोजगारीको लागि कतार आएदेखि नै सदैव नेपाली समुदायको सेरोफेरोमा रहेर विभिन्न मिडीया मार्फत प्रवासका नेपालीहरुको विविध गतिविधीका समाचार, समसामयिक विषयमा अनगिन्ती विचार विश्लेषण लेखेर विश्व नेपाली समुदायलाई विविध विषयमा जानकारी गराउदै आएका संचारकर्मी हुन्। थेवे विभिन्न संघसस्थाहरुसंग सदासयता अपनाएर जाने व्यक्तिका रुपमा पनि परिचित छन्।
विगत ७ वर्षदेखि कतारमा कार्यरत तिलविक्रम थेवेले आफू पद लोलुपताका लागि नभएर काम गर्नका लागि एनआरएनए एनसीसीको प्लेटफर्म जानलागेको बताए। सबैसंग मिलेर जाउ कसैलाई नविझाउ भन्ने भावना बोकेका थेवे एनआरएनएको समयसापेक्ष कार्यक्रमहरुलाई चुस्त र कार्यान्वयन गर्दै लैजाने र यो गर्छु त्यो गर्छु भन्ने कथाबस्तु र तानावाना बुनेको घोषणापत्र जारी गर्दै तामझाम देखाउनु भन्दापनि सामुहिक अवधारणाहरुलाई कार्यान्वयन गर्दै लैजाने लक्ष्यका साथ उम्मेदवारी दिएको बताए। आफूले कतारको परिप्रेक्ष्यमा कतारका नेपाली समुदायका लागि एनआरएनए एनसीसीले संयूक्तरुपमा अवलम्बन गर्ने कार्यक्रमहरुलाई परिणाममूखी बनाउन आफू टिमसंग लागिपर्ने बताउदै संचारक्षेत्र मार्फतपनि आफूले विश्व समुदायलाई निरन्तर सेवा पुरयाईरहने वताए।
सही व्यक्तिको पहिचान गरी सही समयको उपयोग गरेर, सही तरिकाले काम गर्ने सही वातावरण श्रृजना गर्दै, सही अवसर दिनुहुन उमेदवार थेवेले एनआरएनए एनसीसीका सबै सदस्य मित्रहरुलाई हार्दिक अनुरोध समेत गरेकाछन्।
आफ्नो विचार व्यक्त गर्नुहोस्
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
