देवी जंग तमु / एचकेनेपाल डट कम-
पोखरा, १ चैत्र । दुवै मृगौला कमजोर भई डायलोसिस गरिरहनुभएका तीर्थबहादुर गुरुङको उपचारका लागि चिउली पार्चे कम्युनिटी युकेबाट साढे ५ लाख सहयोग प्राप्तसंगै अहिलेसम्म पीडित गुरुङलाई करीव २३ लाख रुपैया सहयोग भइसकेको छ।
चिउली पार्चे कम्युनिटी युकेको पहलमा युकेमा संकलित ५ लाख २७ हजार १ सय ३२ रुपैया वुधवार एक समारोहवीच पीडितका कान्छाबाबा रामसुब्बा गुरुङलाई युके कम्युनिटीका प्रतितिधिद्धय चहेन्द्रजंग गुरुङ र वुद्धिबहादुर गुरुङले उक्त सहयोग रकम हस्तान्तरण गर्नुभएको हो।
यसैगरी युएइ दुवईमा कार्यरत दाजुभाईहरुबाट पीडित गुरुङलाई ५७ हजार ४ सय ७७ रुपैयाँ प्राप्त भएको छ। त्यस्तै, अफगानिस्तानमा कार्यरत सोँधाका जयसन गुरुङ र उहाँका साथीहरुबाट १६ हजार रुपैयाँ जयसनका दिदी कुमारी गुरुङ्गले पीडितका कान्छाबाबा रामसुब्बा गुरुङलाई प्रदान गर्नुभएको थियो।
तस्वीरः देवी जंग तमु / एचकेनेपाल डट कम
यसैवीच, चिउली पार्चे तमु समाज, सिक्लेस विकास सरोकार समूह र सिक्लेस युवा क्लवको पहलमा पीडित गुरुङ्गको लागि थालेको आर्थिक संकलन अभियान अर्न्तर्गत वुधवारसम्म चिउली पार्चे तमु समाज पोखरालाई २२ लाख ५६ हजार ४९ रुपैया संकलन भएको समाजका सविच पम बहादुर गुरुङले जानकारी दिनुभयो।
चिउली पार्चे तमु समाजको प्राङ्गनमा आयोजित रकम हस्तान्तराण कार्यक्रममा युके निवासी गुमन सिं गुरुङबाट २० हजार, कमलपोखरी आमा तथा युवा समूहबाट १९ हजार ९ सय, दुधपोखरी वचत तथा ऋण सहकारी संस्था शितलादेवी माटेपानीबाट १० हजार, सिक्लेस विकास सरोकार समुहबाट ५ हजार, वालविद्या वोर्डिङ्ग स्कुलका पूर्वप्रिन्सीपल धनराजबाट ५ हजार र वालविद्या वोर्डिङ्ग स्कुलबाट ३ हजार ५ सय प्रदान गरेको छ।
गुरुङलाई सहयोग गर्न चाहने व्यक्तिहरुले H and B बैँक महेन्द्रपुलको खाता नम्वर ००१००००६३२१ F मा जम्मा गर्न पीडितका कान्छा वावा गुरुङले सबैलाई आग्रह गर्नुभएको छ।
समाजका कार्यवाहक अध्यक्ष सुवेदार रण वहादुर गुरुङको अध्यक्षतामा भएको रकम हस्तान्तरण कार्यक्रममा समाजका सल्लाहकार सदस्य क्याप्टेन टेक वहादुर गुरुङ्ग, सचिव पम वहादुर गुरुङ्ग, चिउली पार्चे कम्युनिटी युकेका प्रतिनिधी चहेन्द्रजंग गुरुङ्ग, सिक्लेस विकास सरोकार समूहका सचिव पोल वहादुर गुरुङ्ग र संचारकर्मी देवीजंग तमुलगायतले वोल्नुभएको थियो।
हामीसंगै रहनको लागिः फेसबुक | ट्विटर | गुगल प्लस
