अन्नपूर्ण / एचकेनेपाल डट कम –
पोखरा, २२ असार। भगिनी सम्बन्धका लागि चीनको कुन्मिङमा रहेको पोखरेली टोलीको स्वागतार्थ शुक्रबार कुन्मिङ नगरपालिकाका चिनियाँ जनराष्ट्रिय परमार्श दातृसभाका अध्यक्ष टिएन यान जियाङले रात्रिभोजको आयोजना गरेका छन्।
रात्रिभोजमा स्वागत गर्दै यान जियाङले सोमबार हुन गईरहेको भगिनी सम्बध हस्ताक्षरप्रति आफू निकै उत्साहित भएको बताए। उनले यो सम्बन्धले दुई नगरबीच दीर्घकालीन प्रभाव पार्ने बताउँदै कुन्मिङ नगरको तर्फबाट पोखरा नगरलाई सहयोग गर्न आफ्नो तबरबाट सक्दो सहयोग गर्ने प्रतिबद्धता समेत व्यक्त गरे।
जियाङले शनिबारबाट सुरु हुने कुन्मिङ माउण्टेन क्रसिङ च्यालेन्ज २०१३ को प्रतिष्पर्धामा भाग लिन पोखरेली टोलीलाई आग्रह समेत गरेका छन्। सो प्रतियोगितामा पोखराको तर्फबाट ६ जनाले भाग लिदैँछ।
रात्रिभोज अघि टोलीनेता समेत रहेका पोखरा उपमहानगरपालिकाका कार्यकारी अधिकृत झलकराम अधिकारी र कुन्मिङ नगरपालिकाका चिनियाँ जनराष्ट्रिय परमार्श दातृसभाका अध्यक्ष टिएन यान जियाङबीच छुट्टै भेटवार्ता समेत भएको थियो।
चीनियाँ कम्युनिष्ट पार्टीका पोलिटब्युरो समेत रहेका यान जियाङसँगका वार्तामा द्विपक्षीय सम्बन्धबारे कुरा भएको बताउँदै अधिकारीले पर्यटन, साहसिक खेल लगायतका क्षेत्रमा सहयोग गर्न ईच्छुक देखिएको जानकारी दिए। आगामी वर्ष पोखरा भ्रमणका लागि याङ आउने जनाउँदै अधिकारीले पोखरा विकासका लागि गुरुयोजना नै निर्माण गर्नुपर्ने सुझाउ दिएको बताए। “उहाँहरुको यो उत्साहले यो सम्बन्ध औपचारिकतामा मात्र सीमित रहँदैन। यो सम्बन्ध समग्र पोखरेलीहरुले गर्व गर्न सक्ने गरी सहयोगका क्षेत्रहरुको आदानप्रदान हुने सम्बन्ध हो।” अधिकारीले भने।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
