सोदिप थोप्रा लिम्बु / एचकेनेपाल डट कम-
आशफोर्ड, केन्ट युके। सगरमाथा नेपाली समाज आशफोर्डको आयोजनामा बार्षिक रुपमा खेलाइदै आएको सगरमाथा कप २०१३ आगामी अगष्ट १० गते शनिवार स्थानीय स्टेन्होप फुटबल मैदानमा हुने भएको छ।
बेलायतभरिका नेपाली फुटबल क्लबहरुले सहभागिता जनाउँदै आएको उक्त प्रतियोगितामा बिगत झैं २५ देखि ३० वटा टिमहरुले प्रतिष्पर्धा गर्ने भएका छन्। उक्त कपलाई सफलतापूर्वक सम्पन्न गर्न गत २२ जुन २०१३ शनिवार समाजको कार्यलयमा सम्पन्न बैठकले कार्य बिभाजन साथै जिम्मेवारी वांडफांड गरेको छ।
खेलाडी, दर्शक एवं पाहुनाहरुको सुविधालाई मध्यनजर गरेर प्रशस्त मात्रामा लाइसेन्स प्राप्त सेक्युरिटी, स्वयं सेवकका अतिरिक्त ५ जना प्रहरी खेलकुद मैदानमैं खटिने र प्रहरीको पेट्रोल टीमले प्रतियोगिता भरि निगरानी गर्ने व्यवस्था मिलाइएको छ।
कार्यक्रममा आर्मी म्युजिकल ब्यान्डको टीमले खेलाडीहरुलाई स्वागत गर्ने भएको छ। समाजका अध्यक्ष पोपिराज राईको अध्यक्षतामा सम्पन्न उक्त बैठकको संचालन सचिब शोभराज गुरुङले गरेका थिए भने खेलकुद सचिब हरि सम्पाङ्गले उक्त कपबारे उपस्थित सदस्यहरुलाई जानकारी गराएका थिए।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
