प्रकाश तिमल्सिना / एचकेनेपाल डट कम
काठमाडौं, ७ असार। नेपाल खेलकुद पत्रकार मञ्चले असार १८ गते आयोजना गर्ने पल्सर स्पोर्टस् अवार्डलाई डिस मिडिया नेटवर्क प्रालिले सह प्रायोजन गरेको छ । डिस मिडियाका निर्देशक सुदीप आचार्य र मञ्चका अध्यक्ष अजय फुयालले शुक्रबार सम्झौतापत्रमा हस्ताक्षर गरेपछि चौथो बर्षपनि सह प्रायोजनले निरन्तरता पाएको हो।
सह प्रायोजन वापत डिस मिडियाले मञ्चलाई २ लाख रुपैयाँ प्रदान गर्नेछ । त्यस्तै डिस मिडियाले पल्सर स्पोर्टस अवार्डका ८ विधाका विजेता तथा पल्सर लोकप्रिय खेलाडी छान्नका लागि एसएमएस पठाउने पाँचजना भाग्यशाली विजेतालाई डिस होमको सेटअप बक्स उपलब्ध गराउनेछ।
डिस मिडियाका निर्देशक आचार्यले आउने बर्षहरुमा पनि मञ्चसँगको सहकार्यले निरन्तरता पाउने जनाए । उनले आउने बर्षहरुमा प्रायोजन रकममा समेत बृद्धि हुने संकेत गरे । मञ्चका अध्यक्ष फुयालले सहकार्यका लागि डिस मिडियालाई धन्यवाद दिदै दुई संस्थाको सहयात्रा निरन्तरत रहनेमा विश्वास व्यक्त गरे।
पल्सर स्पोर्ट्स अवार्डमा समावेश हुने ८ विधा मध्ये वर्षको चर्चित खेलाडी विधाको मनोनयन सार्वजनिक भैसकेको जनाउँदै मञ्चका महासचिव महेश आचार्यले वर्षको उत्कृट पुरुष खेलाडी, उत्कृष्ट महिला खेलाडी, उत्कृष्ट युवा खेलाडी र उत्कृष्ट प्रशिक्षकको मनोनयन चाँडै सार्वजनिक जानकारी दिए । उनले स्पेशल अवार्ड, लाइफ टाइम एचिभमेन्ट अवार्ड र पल्सर वर्षको उत्कृष्ट पारा एथलिटको घोषणा कार्यक्रमका दिन गरिने बताए।
आचार्यले नेपालको प्रशारण क्षेत्रमा उल्लेखनिय सफलता प्राप्त गरिरहेको डिस मिडियाले निरन्तर साथ दिंदा पल्सर स्पोर्ट्स अवार्डले पनि उचाई प्राप्त गरिरहेको उल्लेख गर्दै डिस मिडिया परिवारलाई विशेष धन्यवाद दिए।
मञ्चका निर्वतमान अध्यक्ष नीरञ्जन राजवंशीले डिस मिडिया जस्तै संस्थाहरुको सहयोगका कारण स्पोर्टस अवार्ड आयोजना सम्भव भएको बताए।
हंसराज हुलासचन्द एण्ड कम्पनी प्रा लि को अटोमोबाइल ब्राण्ड पल्सरले मुख्य प्रायोजन गरेको अवार्डलाई सामसुङ्ग, सूर्य नेपाल, जोनप्लेयर, होटल रोयलसिंगी, आइएसएमइ, होटल क्राउन प्लाजा, राष्ट्रिय खेलकुद परिषद, आरजे स्पोर्टस्, टिएच्टी लाईभ ३१३१ र एभिन्युज टेलिभिजनको सहयोग रहेको मञ्चले जनाएको छ।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
