सोदिप थोप्रा लिम्बू/ एचकेनेपाल डट कम-
आशफोर्ड,केन्ट युके। सगरमाथा गोर्खा नेपाली समाज आशफोर्ड केन्टले शनिबारका दिन सरसफाई कार्यक्रम भब्यताका साथ सम्पन्न गरेको छ।
आशफोर्ड वरो काउन्सिलसंग सहकार्य गर्दै बार्षिक रुपमा आयोजना गर्दै आएको उक्त कार्यक्रमका प्रमुख अतिथि आशफोर्ड वरो काउन्सिलका मेयर डेबिड स्मिथ रहेका थिए भने केन्टिस मेडिया एक्सप्रेसका फोटो रिपोर्टर पअल एबं स्थानीय समाजसेवी श्रीमती वेरल वाइट अन्य अतिथिका रुपमा रहेका थिए।
तस्वीर: सोदिप थोप्रा लिम्बू/ एचकेनेपाल डट कम
समाजका प्रथम उपाध्यक्ष श्री भाष्कर तितुङ्गको संयोजकत्वमा सम्पन्न कार्यक्रममा समाजका जेष्ठ नागरिक एबं युवा युवतीहरुको बाक्लो उपस्थिति रहेको थियो। यहाँका स्थानीय निकाय एबं सामाजिक संस्थाहरुसंग हातेमालो गर्दै सामाजिक कार्यहरु गरेर उनीहरु बीचमा लोकप्रिय बन्ने उदेश्यले सन् २०१० मा पहिलो सरसफाई कार्यक्रमको आयोजना गरे पश्चात आफ्नो महत्वपूर्ण बार्षिक कार्यक्रमकै रुपमा समाजले यसलाई समाबेश गर्दै आएको छ।
भिक्टोरिया पार्कको फूटबल मैदानमा जम्मा भएका सहभागीहरुलाई समाजका सचिब शोभराज गुरुङले स्वाथ्य तथा सुरक्षाको बारेमा जानकारी गराएका थिए। गतसालको सरसफाई कार्यक्रममा समाजका उल्लेख्य सदस्यहरुको सहभागितालाई मध्यनजर गरेर काउन्सिलले यस पटक समाजलाई भिक्टोरिया पार्क, वुड ल्याण्ड , भिक्टोरिया फूटबल मैदान र बोयेन फिल्ड लगायतका क्षेत्रको सरसफाई गर्ने जिम्मा दिएको थियो।
१२० भन्दा बढी सदस्यहरुको सहभागिता रहेको उक्त कार्यक्रममा ४ वटा क्षेत्रको सफाई गर्ने जिम्मा पाए अनुरुप त्यसलाई सफलतापूर्बक सम्पन्न गर्न ४ वटा समूह बनाएर आ-आफ्नो क्षेत्रको सफाईमा लागेका थिए। सहभागीहरुद्वारा भेला गरिएको फोहोरमैलालाई निर्देशित स्थानमा जम्मा गरेपछि सबैजना बिहान भेला भएकै ठाउँमा भेला भएका थिए। बिहान भेला हुँदा फोहोर देखिएको स्थान सफा देखिएको थियो।
कार्यक्रममा प्रमुख अतिथि मेयर डेभिड स्मिथ र समाजका अध्यक्ष पोपिराज राईले सम्पूर्ण सहभागीहरलाई मुरी मुरी धन्यबाद दिएका थिए भने कार्यक्रममा सहभागीहरुको लागि खाजा पानीको व्यवस्था समाजका संस्कृतिक सचिब शुष्मा लिम्बूद्वारा गरिएको थियो। कार्यक्रम बिहानको १० बजे शुरु भएर दिउसो १२:३० बजे सकिएको थियो।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
