अडिसनबाट हँसियालाई कलाकार खोज्दै मिलन चाम्स
मंगलबार धरानमा अडिसन
सौरभ श्रेष्ठ / एचकेनेपाल डट कम-
काठमाडौं, २४ जेष्ठ। चर्चित म्युजिक भिडियो निर्देशक मिलन चाम्स फिल्म हँसियामार्फत नेपाली फिल्म क्षेत्रमा फिल्म निर्देशकका रूपमा प्रवेश गर्दैछन्।
मिलन हाल फिल्मका लागि चाहिने कलाकारको खोजीमा अडिसन लिइरहेका छन्। उनले बिहीबार राजधानीको दरबारमार्गस्थित किंग्स लंज बार एंड क्लुब मा २५ युवाको अडिसन लिएका थिए जसबाट २ युवा छनौट भए।
फिल्ममा सहअभिनेताका लागि भएको अडिसनमा निर्देशक मिलनसहित निर्माता गंगाराज राई पनि सहभागी थिए। ‘अब हामीलाई मुख्य नकारात्मक भूमिकाका लागि कलाकार चाहिएको छ, त्यसका लागि आगामी मंगलबार धरानमा अडिसन हुदैछ,’ मिलनले भने, ‘हँसियाले हतियार बुझाउने भएकाले फिल्म आपराधिक गतिविधिसंग सम्बन्धित छ।’ पूर्णत एक्शन र बियोगान्तत रहेको फिल्म हँसियाको लागि उत्कृष्ट अभिनय गर्ने कलाकारको खाँचो भएको र युवापुस्तामा केन्दि«त फिल्म भएकाले सकभर नयाँ प्रतिभावान कलाकारहरु छान्न अडिसनलाई बढी समय दिएको उनले बताए। पश्चाताप नामक भिडियो फिल्म बनाइसकेका चाम्सले यसअघि सय भन्दा बढी म्युजिक भिडियोको निर्देशन गरिसकेका छन्। पश्चाताप लण्डनमा निर्माण भएको थियो।
आउँदो महिनादेखि छायांकन हुने हँसियामा चर्चित मोडेल तथा कोरिओग्राफर हेमा श्रेष्ठको मुख्य भूमिका रहने छ । दुर्गा घले प्रस्तुतकर्ता रहेको फिल्ममा कल्याण सिंहको संगीत, अनुप सापकोटाको कथा, अनुपम श्रेष्ठको कोरिओग्राफी, राजकुमार उप्रेतीको द्वन्द रहने फिल्मलाई राम कार्कीले खिच्नेछन्।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
