सागर राज तिमिल्सिना / एचकेनेपाल डट कम-
पोखरा, २२ जेठ। उसु खेलाडी झरना गुरुङ भोट माग्न पोखरा आएकी छन्। नेपाल खेलकुद पत्रकार मञ्चले आयोजना गरेको पल्सर स्पोर्टस् अवार्ड अन्तरगत २०६९ को चर्चित खेलाडीको मनोनयनमा परेकी झरना गुरुङ भोट माग्न पोखरा आएकी हुन्। काठमाडौमा प्रशिक्षणमा रहेकी झरना भोट माग्नका लागि पोखरा आएकी हुन्।
गुरुङ्गले बुधबार पत्रकारसंग कुराकानी गर्दै जित्ने हार्ने भन्दा पनि मनोनयनमा पर्नु नै ठूलो कुरा रहेको बताइन्। उनले चर्चित खेलाडी मनोनयनमा परेकोमा खुसि व्यक्त गर्दै सबै पोख्ररेलीको सहयोग आवश्यक रहेको बताइन्। उनले चर्चित खेलाडी बन्न सबै पोखराबासीले सहयोग गर्ने बताइन्। कास्कीको ल्वाङघलेल गाविसमा जन्मिएकी झरनाले यो वर्ष भियतनाममा भएको एशियन उस्सु च्याम्पियनशिपमा नेपालका लागि कास्य पदक जिताएकी थिइन्।
जुन नेपालले हालसम्म उसुमा पाएको सबैभन्दा ठूलो उपाधि हो। क्यसकोसियन कराँतेबाट खेल जीवनको आरम्भ गरेकी झरना राष्ट्रिय तथा अन्तराष्ट्रिय जगतमा उस्सुले चिनिन्छिन्। छैटौ राष्ट्रिय खेलकुद प्रतियोगितामा स्वर्ण जितेकी थिइन्। ११ औ दक्षिण एशियाली खेलकुद प्रतियोगितामा पनि उनले कास्य पदक जितेकी थिइन्।
खेलाडीलाई सामाजिक सञ्जाल फेसबुकमार्फत २० प्रतिशत र एसएमएस मार्फत ८० प्रतिशत अंकभारका रुपमा गणना गरिने बढि अंक ल्याउनेलाई चर्चित खेलाडी घोषणा गरिने छ। झरनालाई भोट गर्न pulsar टाइप गरि स्पेस दिएर jp टाइप गरेर ३१३१ मा भोट गर्न गकिने छ।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
