एचकेनेपाल डट कम संवाददाता-
काठमाडौं, राष्ट्रिय फोटो पत्रकार समूहले प्रकाशन गरेको २०७० को विशेष भित्तेपात्रोमा चर्चित अभिनेत्री रेखा थापालाई फोटो पत्रकारको रुपमा प्रस्तुत गरिएको छ।
समूहका अध्यक्ष कविन्द्रमान शाक्य, बरिष्ठ फोटोपत्रकार विकाश रौनियार र नेपाल पर्यटन बोर्डका प्रतिनिधि सुधन सुवेदीले राजधानीको भृकुटीमण्डममा आइतबार एक समारोहबीच संयुक्त रुपमा भित्तेपात्रो विमोचन गरेका हुन्।
अध्यक्ष शाक्यले भित्तेपात्रोमा चर्चित अभिनेत्रीलाई राख्दा फोटोपत्रकारहरको पेशाबारे सर्वसाधारणले पनि बुझ्ने र त्यसले विद्यार्थीहरुलाई पेशाप्रति आकर्षण गर्ने बताए। कार्यक्रममा बोल्दै बरिष्ठ फोटोपत्रकार रौनियारले भित्तेपात्रो नितान्त नयां अवधारणाको भएको भन्दै उनले त्यसको प्रशंसा गर्नुका साथै भित्तेपात्रोले फोटोपत्रकारको पेशा चिनाउन सजिलो हुने बताए।
हरेक वर्ष प्रकाशित हुने राष्ट्रिय फोटोपत्रकार समूहको यस वर्षको भित्ते पात्रोमा चर्चित अभिनेत्री रेखा थापालाई फोटो पत्रकारको रुपमा प्रस्तुत गरिएको हो। फोटोपत्रकारले आफ्नो पेशा निर्वाहको क्रममा कार्यक्षेत्रमा भोग्नुपर्ने विभिन्न अवस्था चित्रण हुनेगरि विभिन्न तस्विरहरु समावेश गरिएकोछ। भित्ते पात्रोमा समेटिएका सबै तस्विरहरुमा फोटो पत्रकारको दिनचर्या, कार्यशैलीलाई दुरुस्त उतार्न खोजिएको छ।
तस्विर: राष्ट्रिय फोटो पत्रकार समूह
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
