एचकेनेपाल डट कम संवाददाता-
धरान, धरान–४ स्थित पुरानो अस्पताल हाताभित्र रहेको धरान पुनःस्थापना गृहलाई मिस पूर्वाञ्चलको आयोजक सिल्भर इन्टरटेण्टमेण्टको तर्फबाट खाद्यान्न सामाग्री सहयोग गरिएको छ।
२६ जना बालबालिका तथा वृद्ध अपांग–अनाथहरुले आश्रम लिइरहेको उक्त गृहमा सय किलो चामलसँगै दाल, चिनी, तेल, सोयाविन, मसला, साबुन, सर्फ लगायतका आवश्यक सामाग्रीहरु सिल्भर इन्टरटेण्टमेण्टले उपलब्ध गराएको थियो।
सबै सामाग्रीहरु मिस पूर्वाञ्चल २०१३ नेहा बजाज, फस्ट रनर अप अलिसा श्रेष्ठ, मिस क्याटवक सृष्टि राई र मिस फोटोजेनिक प्रेरणा खड्काले उक्त गृहलाई हस्तान्तरण गरेका थिए। गृहका आश्रित सबैलाई मिस पूर्वाञ्चल सुन्दरीहरुले फ्रुटी तथा चाउचाउ समेत वितरण गरेका थिए।
मिस पूर्वाञ्चल विजेताहरुलाई सामाजिक सद्भावका काममा संलग्न गराउने उद्देश्य अनुरुप भएको कार्यक्रमको थालनी गरिएको सिल्भर इन्टरटेण्टमेण्टका इमेन्ट मेनेजर सौरभ श्रेष्ठले बताए। हरेक तीनदेखि ६ महिनामा यस्तो सहयोग कार्यक्रम संचालन गर्ने तथा महिला, बालबालिका तथा गरिव असहायका लागि मिस पूर्वाञ्चलको तर्फबाट छुट्टै कोष खडा गरी विभिन्न सामाजिक कार्यक्रमहरुमा मिस पूर्वाञ्चल विजेताहरुलाई सहभागी गराइने श्रेष्ठले बताए।
सहयोग सानो भएपनि यस गृहको लागि ठूलो भएको र सबैको सानो सहयोगले मात्र यो पुनस्पथाना गृह संचालन गर्न सजिलो भइरहेको संचालक भिम राईले बताए। मिस पूर्वाञ्चलको ताज जितेपछिको ठूलो खुशी असहाय–अपांग बालबालिकाहरुलाई आज आफ्नो हातबाट केही सहयोग गर्न पाउँदा लागेको र भविष्यमा पनि यस्ता सामाजिक सद्भावका कार्यक्रमहरुमा लागिरहने मिस पूर्वाञ्चल २०१३ नेहा बजाजले बताइन्।
सहयोग कार्यक्रमलाई सम्पन्न गर्न गायक तथा व्यवसायी प्रदीप थापा, व्युटिसियन कमला सुब्बा, होटल व्यवसायी रितेश श्रेष्ठ, फेशन डिजाइनर उत्तम बनेपालीले समेत सहयोग गरेका थिए।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
