एचकेनेपाल डट कम संवाददाता –
काठमाडौं, १३ वैशाख। नेपालको सामाजिक जागरणकी अग्रणी योगमायाको जीवनीमा आधारित योगमाया नामक कथानक चलचित्र निर्माण हुने भएको छ।
नेपाली र अङ्ग्रेजी दुबै भाषामा एकैसाथ निर्माण हुने योगमायाको शीर्ष अभिनयको भूमिका अभिनेत्री सूर्यमाला शर्मा खनालले गर्ने भएकी छन्।
योगमायाको जीवनी तथा गीत साहित्यकार नरेन्द्रराज प्रसाईले लेखेका छन् भने चलचित्रको सल्लाहकारमा लण्डन विश्वविद्यालयका प्रा.डा. माइकल हट रहेका छन्। डा. हटले योगमायाको विषयमा अनुसन्धान गरिरहेका छन्।
चलचित्रको निर्माता चन्द्रमाला शर्मा र निर्देशनको जिम्मा अभिनेता सरोज खनालले लिएका छन्। चलचित्र योगमायाको संयोजन नइ प्रकाशनको रहने छ भने चलचित्रको सम्पूर्ण आर्थिकभार सूर्यचन्द्र प्रोडक्सनले बेहोरिने भएको छ।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
