एचकेनेपाल डट कम संवाददाता-
काठमाडौं, ३ वैशाख। नइ प्रकाशनले पाँच जना महानुभावहरूलाई २०७० सालको नइ खरा पुरस्कार प्रदान गर्ने घोषणा गरेको छ।
नइ प्रकाशनका सदस्यसचिव नरेन्द्रराज प्रसाईका अनुसार वाङ्मयकर्मी जनकविकेशरी श्री धर्मराज थापालाई एक लाख रुपिया राशिको ‘नइ खरा सुकीर्ति पुरस्कार’ प्रदान गरिने भएको छ।
त्यसैगरी, इतिहासकार प्रा.डा.जगदीशचन्द्र रेग्मीलाई पचास हजार रूपियाँ राशिको ‘नइ खरा प्रदीप्ति पुरस्कार’ प्रदान गर्ने निर्णय भएको छ। दृश्यविहीन भएर पनि साङ्गीतिक जागरणमा समर्पित मोहनसुन्दर श्रेष्ठलाई पचास हजार रूपियाँ राशिको ‘नइ खरा सुरभि पुरस्कार’ प्रदान गर्ने निर्णय भएको छ।
समाजसेवी इन्दिरा राना मगरलाई पच्चीस हजार रुपिया राशिको ‘नइ खरा गौरव पुरस्कार’ र प्राकृतिक चिकित्सक डा.रचना राईलाई पन्ध्र हजार रुपियाँ राशिको ‘नइ खरा पौरख पुरस्कार’ प्रदान गर्ने निर्णय गरिएको छ।
नइ प्रकाशन र दाता खनूप्रुदे ‘रामबाबू’को नाउँमा स्थापित यी पुरस्कार आगामी जेठ १ गते राजधानी काठमाडौंमा प्रदान गरिने भएको छ। नइ प्रकाशनका अध्यक्ष इन्दिरा प्रसाईको अध्यक्षतामा बसेको बैठकले सो निर्णय गरेको हो। नइ प्रकाशनका छब्बीस वटा पुरस्कारहरु हरेक बर्ष तीन चरणमा प्रदान गरिन्छन्।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
