माधव बराल / एचकेनेपाल डट कम-
पोखरा, १ वैशाख। देश दुखेका कुरा, प्रितमा मान्छे भुलेका कुरा। विकृति, विसंगति अनि घातप्रतिघातमा बर्सिएका छुराका कुरा। त्यतिमात्र होइन, अभाव, गरिवी, लोडसेडिङ, संविधान र नेताका कर्तुत सबै छताछुल्ल पोखिए। नेपाली जनताले भोगी रहेको समस्या तथा देश हाक्ने नेताको कामलाइ व्यंग्य गर्दा, श्रष्टाहरुले २०७० सालमा भने यस्तो नहोस भन्ने कामना गरेका थिए।
रेडियो अन्नपूर्णले १३ औं वार्षिकोत्सवको तथा नयाँ वर्षको अवसरमा आईतबार आयोजना गरेको साहित्यिक शुभकामना आदानप्रदान कार्यक्रममा श्रष्टाहरुले नयाँ वर्षले नेपाल र नेपालीको मुहारमा खुशी छाओस् भन्ने कामना गरे । सुख शान्ति, छाओस्, देशले नयाँ संविधान पाओस्, जनतालाई दुःख दिने बन्द हड्ताल, सदाका लागि बन्दहोस् भन्न पनि उनीहरुले भ्याए । श्रष्टाहरुले आफ्ना रचनामार्फत गरिवी, अशिक्षा, विकृति, विसंगति हटोस, राजनीति सही बाटोमा हिंडोस्, देशले नयाँ संविधान पाउने वातावरण बनेर २०७० सालमा खुशीले मात्र रजाँइ गर्ने वातावरण बन्ने विश्वास व्यक्त गरेका थिए।
संस्कृतिकर्मी तिर्थ श्रेष्ठले रचना बाचन गरेर सुरु भएको साहित्यिक शुभकामना आदान प्रदान कार्यक्रममा ४३ जना साहित्यकारहरुले गीत, कविता, मुक्तक, गजल सुनाएका थिए । कार्यक्रमका प्रमुख अतिथि संस्कृतिविद् तिर्थ श्रेष्ठले नयाँ बर्ष वितेको बर्ष जस्तो नहोस् भन्दै नेपालीको मुहारमा खुशी छाओस् भन्ने कामना गर्नुभयो। उहाँले रेडियो अन्नपूर्णले गरेको सामाजिक कार्यप्रति धन्यवाद दिँदै आगामी बर्षमा पनि निरन्तर सामाजिक कार्यमा जुट्न नयाँ बर्षले थप उर्जा देओस् भन्नुभयो।
करीब साढे दुई घण्टासम्म चलेको कार्यक्रममा साहित्यकार तिर्थ श्रेष्ठ, बरिष्ठ संचारकर्मी एवम् कवित प्रकाश सायमी, ईश्वरमणि अधिकारी, विम्ब कवि रमेश श्रेष्ठ, कृष्ण उदासी, सरस्वती प्रतिक्षा, मन क्षेत्री, संजीव पौडेल, विष्णुप्रसाद बास्तोला, सुरेश रानाभाट, पवित्रा भण्डारी पारु, जमुना आरसी, कपिल शर्मा ‘सञ्जोग’, डा.वसन्त गौतमले रचना वाचन गर्नुभएको थियो।
त्यसैगरी, असफल गौतम, मोहन स्पात, सञ्जय भण्डारी, विजय सुवेदी, रुद्रवहादुर थापा, वसन्त चालिसे अनुराग अधिकारी, परिवर्तन, सौगात संघर्ष, विष्णु अल्पविराम, रेश्मा कार्की, अम्बिका भण्डारी, रीता ज्ञवाली, सुनिता ज्ञवाली, आरजु विष्ट ‘साल्यानी’, रुपिन्द्र प्रभावी कटु, शिव पलाँस, टिकाराम रेग्मी, कमल पौडेल ‘अथक’, दिपक लामिछाने, राजु पौडेल, विर्सना बस्नेत, कृष्ण अधिकारी, सुवास मल्ल, कृष्ण देवकोटा, सरु लामिछानेले रचना वाचन गर्नुभएको थियो।
कार्यक्रममा स्वागत गर्र्दै रेडियोका प्रमुख कार्यकारी अधिकृत दीपेन्द्र श्रेष्ठले नयाँ वर्षले सम्पूर्ण नेपालीको मनोकांक्षा पुराहोस् भन्ने शुभकामना व्यक्त गर्नुभयो। कार्यक्रमको अध्यक्षता गर्नु भएका रेडियोका प्रवन्ध निर्देशक सुनयना पालिखेले नयाँ बर्ष सम्वन्धि कवितात्मक भावबाट नयाँ वर्षको शुभकामना व्यक्त गर्दै रेडियोको कार्यक्रमलाई सहयोग गर्ने सबैलाई धन्यवाद दिनुका साथै आगामी दिनमा यस्तै सहयोगको अपेक्षा गरेको बताउनुभयो।
कार्यक्रममा अनिज कास्कीको अध्यक्षमा हालै निर्वाचित रेडियोका डेष्क को–अर्डिनेटर हुमबहादुर तमु र शिवपुरी साहित्यिक सम्मान २०६९ बाट सम्मानित रेडियोका साहित्यिक कार्यक्रमका प्रस्तोता ईश्वरमणी अधिकारीलाई खादा लगाएर सम्मान गरिएको थियो । कार्यक्रमका प्रमुख अतिथि श्रेष्ठ, विशेष अतिथि सायमी र रेडियोका प्रवन्ध निर्देशक पालिखेले उहाँहरुलाई सम्मान गर्नुभएको थियो।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
