सोदिप थोप्रा लिम्बु / एचकेनेपाल डट कम-
गोर्खा नेपाली समाज आशफोर्ड केन्ट बेलायतले एक भब्य कार्यक्रमको आयोजना गरि नेपाली नयाँ बर्ष २०७० लाई स्वागत गरेको छ।
आशफोर्डबासी नेपालीहरुको बाक्लो उपस्थिति रहेको उक्त कार्यक्रम गत शनिबार स्थानीय जोन वालिस एकाडेमीको हलमा भब्यताको साथ सम्पन्न भएको छ। समाजका अध्यक्ष पोपिराज राईको अध्यक्षतामा सम्पन्न कार्यक्रमको प्रमुख अतिथि नेपालबाट आमन्त्रित महानायक राजेश हमाल रहेका थिए। अन्य अतिथिहरुमा नायक ध्रुब दत्त , नायिका, मोडेल तथा डान्सर सब्रिना श्रेष्ठ, नमस्ते युरोपका राजेन्द्र भट्ट र स्थानीय श्रीमती बेरल वाइट् रहेका थिए।
तस्वीरः सोदिप थोप्रा लिम्बु / एचकेनेपाल डट कम
समाजका महासचिब मोहन कृष्ण गुरुङले संचालन गरेको कार्यक्रमको पहिलो चरणमा बरिष्ठ उपाध्यक्ष श्री लिम्बूले अतिथि तथा दर्शकहरुलाई स्वागत मन्तब्य व्यक्त गरेका थिए। अध्यक्ष राईले सम्पूर्ण महानुभाबहरुलाई नयाँ बर्षको शुभकामना ब्यक्त गर्दै कार्यक्रमको उद्देश्य प्रष्ट पारेका थिए।
कार्यक्रममा श्रीमती बेरल वाइट् र महानायक राजेश हमालले उपस्थित सबैलाई नयाँ बर्षको शुभकामना ब्यक्त गरेका थिए। कार्यक्रमको दोस्रो चरणमा समाजका अध्यक्ष राई र महिला कमिटिका अध्यक्ष दुर्गा लिम्बूले प्रमुख अतिथि तथा अतिथिहरु राजेश हमाल , ध्रुब दत्त , सब्रिना श्रेष्ठ, राजेन्द्र भट्ट, दौलत राई र श्रीमती बेरल वाइट्लाई खादा ओडाई समाजका तर्फबाट सम्मान प्रदान गरेका थिए। कार्यक्रममा स्थानीय श्रीमती बेरल वाइट्ले समाजलाई सहयोग स्वरुप प्रदान गरेको ५००० पाउन्डको चेक समाजका तर्फबाट अध्यक्ष पोपिराज राईले ग्रहण गरेका थिए।
नेपाली राष्ट्रिय गानबाट शुभारम्भ गरिएको उक्त साँस्कृतिक कार्यक्रमको संचालन गंगाराज राई र साइना गुरुङले गरेका थिए। कार्यक्रममा महानायक राजेश हमाल, नायक ध्रुब दत्त, नायिका एबं डान्सर सब्रिना श्रेष्ठ, नेपाली स्पाईडर म्यान दिपक गुरुङका साथमा थुप्रै स्थानीय कलाकारहरुले गीत तथा नृत्य प्रस्तुत गरेर दर्शकहरुलाई भरपूर मनोरंजन दिएका थिए।
कार्यक्रममा दिपक गुरुङले दर्शकहरुलाई पेट मिची मिची हसाएका थिए। युथ सचिब दावा शेर्पाको संयोजकत्वमा सम्पन्न राफल ड्र ले दर्शकहरुलाई थप मनोरंजन प्रदान गरेको थियो। कार्यक्रममा शुष्मा क्याटरिङले स्वादिष्ठ नेपाली परिकारहरुको व्यवस्था गरेको थियो भने साउन्ड सिष्टमको बन्दोबस्त डिजे बिसी राईले गरेको थियो। समाजका बरिष्ट उपाध्यक्ष श्री लिम्बुको संयोजकत्वमा सम्पन्न उक्त कार्यक्रमको अन्त्यमा महानायक राजेश हमाल, नायक ध्रुब दत्त एबं नायिका सब्रिना श्रेष्ठसंग दर्शकहरुले कम्मर मर्काई मर्काई रातको ११ बजेसम्म नाचेका थिए।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
