बेगनास तालमा बेपत्ता दुईको शव फेला, अझै एक बेपता (न्युज अपडेट)
एचकेनेपाल डट कम संवाददाता-
पोखरा, २१ चैत्र। बेगनास तालमा बेपत्ता भएका ३ मध्ये दुईको शव विहीवार फेला परेको छ। फेला परेका शव १९ वर्षीया शुष्मा गुरुङ र ३५ वर्षीया पुष्पा गुरुङको रहेको प्रहरीले जनाएको छ। डुंगा पल्टेर बेपत्ता भएका २० वर्षीय प्रकाश गुरुङको शव अझै फेला परेको छैन। प्रहरी र गोताखोर टोलीले शव खोज्ने कार्य जारी राखेका छन्।
तस्वीरः उमेश पुन / एचकेनेपाल डट कम
बेगनास तालमा बेपत्ता एक युवती शव भेटियो (न्युज अपडेट)
एचकेनेपाल डट कम संवाददाता-
पोखरा, २१ चैत्र। हावा हुरीका कारण बुधवार बेगनास तालमा डुंगा पल्टिदा बेपत्ता भएकामध्ये एक युवतीको शव विहीवार फेला परेको छ। प्रहरीले १९ वर्षीया शुष्मा गुरुङको शव फेला परेको जनाएको छ। बेपत्ता भएका अन्य दुई जना २० वर्षीय प्रकाश गुरुङ र ३५ वर्षीया पुष्पा गुरुङको खोजी भइरहेको प्रहरीले जनाएको छ।
बेगनासतालमा डुंगा दुर्घटना, २ को मृत्यु ३ वेपत्ता
एचकेनेपाल डट कम संवाददाता-
पोखरा, २१ चैत्र। हावाहुरीका कारण बेगनासतालमा सवार डुंगा दुर्घटना हुंदा दुई जनाको ज्यान गएको छ भने ३ जना वेपत्ता भएका छन्।
दिउँसो करीव चार बजे आएको हुरीले डुंगा पल्टिदा पोखरा १० रामबजार कालिका टोलका ८ जनामध्ये दुई बालिकाको मृत्यु, ३ वेपत्ता र ३ जनाको सकुशल उद्धार गरिएको प्रहरीले जनाएको छ।
मृत्यु हुनेहरुमा दुई नाबालिकाहरु ३ वर्षीया अनुष्का गुरुङ र २ वर्षीया इविना गुरुङ रहेको जिल्ला प्रहरी कार्यालयले जनाएको छ। उनीहरुको उद्धारपछि उपचारको क्रममा मृत्यु भएको जनाइएको छ। त्यसै गरी, बेपत्ता हुनेहरुमा २० वर्षीय प्रकाश गुरुङ, १९ वर्षीया शुष्मा गुरुङ र ३५ वर्षीया पुष्पा गुरुङ रहेका छन्। सोही डुंगामा सवार २० वर्षीया रिता गुरुङ, १३ वर्षीया सिम्रन गुरुङ र ९ वर्षीय कुमार गुरुङको सकुशल उद्धार गरिएको प्रहरीले जनाएको छ।
दुर्घटनाको खबर पाउनसाथ नेपाल प्रहरीको रेष्क्यु टोली त्यसतर्फ गएको थियो। प्रहरी, स्थानीय जनता र डुंगा व्यवसायीद्धारा खोजी गर्ने कार्य जारी रहेको प्रहरीले जनाएको छ।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
