सन्तोष काफ्ले / एचकेनेपाल डट कम –
धरान, १ चैत्र। धनकुटाको महाभारतबाट धरानतर्फ आइरहेको पिकअप भेन धरान १३ स्थित शिवधारमा दुर्घटना हुंदा एक जनाको मृत्यु भएको छ भने १३ जना घाइते भएका छन्।
विपरीत दिशातर्फवाट आउदै गरेको मोटरसाइकलले पिकअपलाई ठक्कर दिंदा भएको सवारी दुर्घटनामा पिकअपमा सवार एकजनाको घटना स्थलमै मृत्यु भएको प्रहरीले जनाएको छ।
को १ ज १९२३ नम्बरको पिकअफ भेनलाई विपरीत दिसाबाट आउदै गरेको को १२ प ५६८० मोटरसाइकले ठक्कर दिंदा भएको दुर्घटनामा धनकुटाका पिकअप मालिक गजेन्द्र खड्काको मृत्यु भएको हो।
घटनामा परि घाइते हुनेहरुमा मोटरसाइकलमा सवार धरान १३ का सुमन गुरुङ, धरान ७ का दिलकुमार राई र पिकअपमा सवार आखीसल्लाह–१ धनकुटाका सीताराम कार्की, रत्नमाया राई, दिलिप राई, खोकु छिन्ताङ धनकुटाकी कञ्चनमाया राई, टिकामाया राई, प्रेम राई, महाभारत–९ धनकुटाका योगेन्द्र खनाल रहेका छन् भने एकजनाको पहिचान खुल्न नसकेको प्रतिष्ठान प्रहरीले जानकारी दिएको छ।
घाइतेहरुको धरानस्थित वीपी कोइराला स्वास्थ्य विज्ञान प्रतिष्ठानमा उपचार भइरहेको छ। घाइते मध्ये मोटरसाइकल चालक सुमन गुरुङ्गको अवस्था चिन्ताजनक रहेको छ।
धनकुटाको महाभारतबाट आउदै गरेका सो पिकअप भेनले माइक्रोलाई ओभरटेक गर्न खोज्दा विपरीततर्फबाट मोटरसाइकल आएर ठक्कर दिएपछि दुर्घटना भएको घाइते योगेन्द्र खनालले जानकारी दिए।
उनेले गाडी अत्याधिक गतिमा प्रतिपर्धा गर्दै चलाएको कारण दुर्घटना भएको वताए। यस भन्दा अगाडि पनि सोही स्थानमा एउटा यात्रुवाहक बस दुर्घटना हुदा १६ जना घाइते भएका थिए।
भिडियोः सन्तोष काफ्ले / एचकेनेपाल डट कम
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
