सन्तोष काफ्ले / एचकेनेपाल डट कम-
धरान, २८ फागुन। पूर्वाञ्चलबाट उत्कृष्ट गायन छान्ने उद्धेश्यले आयोजना गरिएको पूर्वाञ्चल स्वरमणिमा रकमको चलखेल भएको खुलासा भएको छ।
गरिमा डान्स सेन्टरले आयोजना गरेको प्रतियोगिताको फाइनल चरणमा विजेता हुन आयोजकले रकम मागेको एक सहभागीले आरोप लगाएका छन्। फाइनल चरणमा निर्णायक समेत नराखी भोटिंगको आधारमा विजेता छनौट गरिने भन्दै आयोजकले आफूसंग २ लाख ५० हजार मागेको प्रतियोगितामा सहभागी खोटाङका अमर चाम्लिङ राईले आरोप लगाएका छन्।
पत्रकार सम्मेलनमा वोल्दै राई विचमा, तस्वीरः सन्तोष काफ्ले /एचकेनेपाल डट कम
उनले धरानमा पत्रकार सम्मेलन गरि आफूलाई सेन्टरका व्यवस्थापक तथा कार्यक्रमका संयोजक सन्तोष तामाङले २ लाख ५० हजार मागेको वताए। उनले भने तामाङले मलाई तिम्रो राम्रो प्रतिभा छ तिमीलाई विजेता वनाउछौ त्यसको लागि २ लाख ५० हजार लाग्छ भनेर मागे। साथै भोटिङ गर्दा पनि आयोजकले गर्दा ४ रुपैयामा हुने र आफैले गर्दा ६ रुपया लाग्ने भन्दै पटक पटक गरि ६० हजार रुपैयाँ लिएको उनको अरोप छ।
सुरुमा आफू अरुलाई २६ गतेसम्म मात्र भोटिङ लाइन खुल्ला रहने भने पनि पछि पुन २७ गते फाइनल चरण कार्यक्रमको दिन १० वजे भन्दै अन्त्यमा विजेता घोषणा हुन भन्दा ३ मिनेट अगाडीसम्म खुल्ला रहने भन्दै बार्गेनिङ गरेको राईले सम्मेलनमा वताए। उनलले भने आयोजक समितिकै अन्जु राईसंग भोटिङको बारेमा बुझ्दा उनले सिधै उपाधिको कुरा गर्नुहोस् भन्ने जवाफ दिएको वताए। आयोजकले आफूसंगै फाइनलको दिन कार्यक्रम सुरु हुनु अगाडीसम्म रकमको वार्गेनिङ गरेको कारण आफूले फाइनल कार्यक्रम वहिष्कार गरेको जानकारी दिए।
मकालु टेलिभिजनको सहकार्यमा गरिमा डान्स सेन्टर धरानले आयोजना गरेको फाइनल फागुन २७ गते धरान १५ स्थित सदन सभाहलमा भएको थियो। साथै उनले फाइनल चरणमा टप सात जना छनौट गर्ने भने पनि ९ जना छनौट गरेको वताए।
राईका दाजु शम्भु राईले एसएमएस भोटिङ गर्दा आयोजकको तर्फबाट सस्तो पर्ने भनेपछि फाइनलमा प्रवेश गर्नु अगाडि १० हजार र चरणमा प्रवेश गरे पछि संयोजक सन्तोष तामाङलाई ५० हजार दिएको बताए। भाइसंग २ लाख ५ हजार मागे पनि अन्तिमा आफूसंग भने मकालु टिभीका धरान व्यवस्थापक केसश सापकोटामार्फत स्वरमणिको उपाधि तपाईको भाईलाई दिने हो भने ३ लाख रुपैया दिनुपर्ने माग गरेपछि भने आफूहरुले कार्यक्रमको बहिष्कार गरेको जानकारी दिए।
सापकोटाले अरु प्रतिपर्धीका आफन्तले ५ लाख सम्म दिने भएका छन् तर तपाइको भाईमा प्रतिभा छ त्यसैले ३ लाख दिनु भयो भने उपाधि दिन्छौ भनेको उनको आरोप छ। आफूसंगै रकमको माग गरेपछि आफूहरुले कला र प्रतिभालाई रकमसगै साट्न खोजेकोले आफूहरुले कार्यक्रम वहिष्कार गरेको उनले प्रष्ट्याए।
यता आयोजक संस्थाकी एकाउण्टेन तथा कार्यक्रम सञ्चालिका सज्जु राईले भने आफूहरुले कसैसंग रकम माग नगरेको दावी गरिन्। साथै उनले भोटिङको लागि समेत रकम नलिएका वताईन्। तर उनले पनि फाइनल चरणमा निर्णायक नराखेको स्विकार गर्दै भोटिङको आधारमा छनौट गरेको वताए पनि कसले कति भोट आयो भनेर वताउन चाहिनन्। उनले मकालु टिभीका सापकोटा आयोजक समितिका व्यक्ति नभएको स्पष्ट पारिन्। यद्यपि, सापकोटाले यस अघि आफूले आफूलाई कार्यक्रमको संयोजक तथा निर्देशक वताउदै मिडिया तथा सामजिक सञ्जालमा प्रचार गरेका थिए।
यता आयोजक समितिका संयोजक तथा सेन्टरका व्यवस्थापक सन्तोष तामाङको मोवाइल नं. ९८०७३९५४३३ मा सम्पर्क गर्दा उनको फोन भने उठेन। यता अन्तिम चरण छनौटको निर्णायक समेत रहेका गायक एपी शेर्पा पनि उपविजेताको निर्णयप्रति आफू सन्तुष्ट नरहेको वताए। उनले भने उपजिवेता चन्द्र राई फाइन चरण नै प्रवेश नगर्ने भए पनि भोटिङको आधारमा भन्दै ल्याएको वताए। प्रतिभावान अन्य प्रतियोगीहरुलाई भने भोटिङको आधारमा पछि पारिएको उनको भनाई छ।
धरानको सदन उच्च माविमा भएको सो प्रतियोगितामा भाोजपुरका रुविन राई स्वरमणि घोषित भएका थिए भने सुनसरीका चन्द्र राई फस्टनरअप र सुनसरीकै ज्योति सुनुवार सेकेन्ड रनरअप घोषित भएका थिए। प्रतियोगितामा पूर्वाञ्चलभरिबाट सहभागिता रहेको थियो। सेन्टरले यस अघि अघिल्लो वर्ष आयोजना गरेको नटराज प्रतियोगिता समेत निर्णायकको निर्णय विपरित भोटिङको आधारमा भन्दै विजेता घोषणा गरे पछि विवाद भएको थियो। तत्कालिन समयमा टिकट धेरै वित्री गरेका आधारमा विजेता घोषणा गरेको भन्दै सहभागीहरुले आपत्ति जनाएका थिए।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
