भाईराम चौलागाई र श्याम पराजुली / एचकेनेपाल डट कम-
कुवैत सिटी, ९ मार्च। मेची-महाकाली बृद्धाश्रम सहयोगार्थ आयोजित च्यारिटी शो शुक्रवार कुवैतको जिलिब नगरीस्थित इण्डियन इण्डिग्रेट स्कुलमा भव्य रुपले सम्पन्न भएको छ।
नेपालबाट आएका अतिथि कलाकार गायकद्वय राजेशपायल राई, धिरज राई र एउटा मात्र खुट्टाको भरमा नृत्य गरेर ख्याति कमाएकी नर्तकी रोमा न्यौपानेका साथमा स्थानीय कलाकारहरुले जोडदार प्रस्तुति दिएका थिए। नेपालबाट आएका चर्चित कलाकारहरुले आफ्नो उत्कृष्ठ प्रस्तुति दिदै प्रवासी नेपालीको मन जित्न सफल भएका थिए।
मध्यान्ह १२ बजे सुरु हुने भनिएपनि निर्धारित समयभन्दा २ घण्टा ढिलो गरी सुरु भएको कार्यक्रमको अध्यक्षता धर्मराज गिरी, प्रमुख अतिथिमा कुवेतका लागि नेपाली राजदूत मधुवन पौडेलकी धर्मपत्नी सिता पौडेल रहनु भएको थियो। राजदूतको अस्वस्थ्यताको कारण उपस्थित रहेन। बिशेष अतिथिहरुमा युएई एक्सचेन्ज कुवेतका कन्ट्री हेड पान्सिली भार्की, नेपाली दूतावास कुवेतका द्वितीय सचिब पुष्पराज भट्टराई, एनआरएनए कुवेतका अध्यक्ष राजेन्द्र तामाङ, अमिर अहमद रहनु भएको थियो। प्रमुख अतिथि र बिशेष अतिथिबाट पानसमा बत्ति बालि कार्यक्रमको उदघाटन गरिएको थियो।
एउटा मात्र खुट्टाको भरमा नृत्य गरेर ख्याति कमाएकी नर्तकी रोमा न्यैपानेको नृत्यले कुवेतमा रहेका सम्पूर्ण कुवेतवासीलाई चकित परेकी थिइन्। कसैले सोच्न पनि नसकेको कुरालाई सम्भब हुन्छ भन्ने कुराको पाठ सिकएकी थिइन्। कसैले पनि आफूलाई अपांग छु भनि पछि नहट्ने संदेशको पाठ रोमाले सिकाएकी छिन्।
रोमाको नृत्यलाई देखेर उनको कला र मेहनतको प्रशंसाको कदर गर्दै कुवेतमा रहेका धेरै व्यक्तिले स्टेजमा गएर सहयोग स्वरुप नगदसमेत दिएर रोमालाई सम्मान गरेका थिए भने जनताको मन जित्ने गीत गाएर राई ईज किङले सम्पूर्ण दर्शकलाई नचाउन सफल भए। त्यस्तै नेपालका माइकल जयाक्सन भनेर चिनिने अर्का गायक धिरज राईले दर्शक माझैमा नाची आफ्ना चर्चित नयाँ तथा पुराना गीत गाएर कार्यक्रमलाई भब्य बनाएका थिए। स्थानीय कलाकारहरुको प्रस्तुतिले पनि कार्यक्रमलाई थप रोमाञ्चित बनाएको थियो।
भव्यताका साथ चलिरहेको कार्यक्रममा अन्तिममा आयजोकको कमजोरी सिमित स्वयंसेवक हुंदा दर्सकबीच सामान्य झगडा हुंदा पर्याप्त स्वयंसेवको अभावमा झगडाले बिकराल रुप लिन थालेपछि कार्यक्रम समाप्त भएको घोषणा गरिएको थियो। पहिला देखिनै प्राय कार्यक्रममा छुटपुट घटना घटिरहेको देखेर पनि सुरक्षा कमजोर भएको दर्शकले महसुस गरेका थिए।
कुवेतका वरिष्ठ व्यक्तित्व र धरै कार्यक्रम संचालन गरेका अनुभबी व्यक्तिहरु मेची महाकाली बृद्धाश्रम निर्माण समिती वैदेशिक शाखा कुवेतमा आबद्ध रहेका छन्। यस्ता ब्यक्तित्वहरुको व्यवस्थापनमा भएको कार्यक्रममा पर्याप्त सुरक्षा नहुनु लजास्पद साथै आयजोकको कमजोरी झल्किन्थ्यो।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
