एचकेनेपाल डट कम संवाददाता –
हङकङ, २५ फेब्रुवरी। हङकङको नेपाली महावाणिज्यदूतमा जनजातिमूलका हुनु पर्ने माग गर्दै यहाँका नेपालीहरुले धर्ना, जुलुस र नाराबाजी गरेका छन्। नेपाल सरकारले यहाँस्थित महावाणिज्यदूतमा महेशप्रसाद दाहाललाई नियुक्त गरेको विरोधमा चरणबद्ध आन्दोलन गर्दै आएको नेपाल आदिवासी जनजाति महासंघ हङकङले आइतवार महावाणिज्य दूतावासको कार्यालय मुनि धर्नाको कार्यक्रममा आयोजना गरेको हो।
महासंघले नेपाल सरकारसंग दाहालको नियुक्ति बदर गर्न माग गर्दै गत सोमवारदेखि हस्ताक्षर संकलन, विरोधपत्र बुझाउने, नाराजुलुश तथा धर्नाजस्ता चरणबद्ध आन्दोलनका कार्यक्रमहरु अघि सारेको छ। सरकारले महासंघको मागलाई वेवास्ता गरी दाहाललाई नै हङकङमा पठाएमा विमानस्थलमा विरोध गर्ने, दाहालको कामकारवाहीमा बाधा व्यवधान खडा गराईने र सामुहिक वहिष्कार गर्ने चेतावनी दिएको छ।
यसअघि पनि जनजातिको मागलाई वेवास्ता गर्दै सरकारले प्रक्रिया तोडेर महावाणिज्यदूतमा एमालेका वरिष्ठ नेता माधवकुमार नेपालका भाइ बिनोदकुमार उपाध्यायलाई पठाएको थियो। सरकारले उपाध्यायको कार्यअविधि नसकिदै फिर्ता बोलाएपछि खाली रहेको पदमा दाहाललाई नियुक्त गरेको छ। महासंघले जनजाति नेपालीहरुको बाहुल्यता रहेको हङकङमा जनजातिमूलका महावाणिज्यदूत पठाउन पटक पटक आग्रह र माग गर्दै आइरहेको छ।
तस्वीर तथा भिडियोः जगतअम्बु गुरुङ / एचकेनेपाल डट कम
CLICK HERE TO VIEW MORE PHOTOS
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
