एचकेनेपाल डट कम संवाददाता-
काठमाडौ, ११ फागुण। नेपाल सदभावना पार्टीकी अध्यक्ष सरिता गिरीले प्रधानन्यायाधीशलाई निर्सत चुनावी सरकारको नेतृत्व दिनु पर्ने बताएकी छिन्।
शुक्रवार रिपोर्टर्स क्लब नेपालमा पत्रकार सम्मेलन गरेर उनले संसद नभएको अवस्थामा शक्तिपुथकीकरणको मान्यता कायम रहन नसक्ने स्पष्ट पार्दै प्रधानन्यायाधीशको राजिनामा खोज्नु हास्यास्पद भनि टिप्पणी गरीन्। अहिले शक्तिपृथकीकरण भन्दा पनि शक्ति सन्तुलनको आधारमा सरकार निर्माण गरेर चुनावमा जानु पर्ने भन्दै प्रधानन्यायाधीशको नेतृत्वमा दलहरु सहभागि चुनावी सरकार निर्माण गर्नु पर्ने धारणा राखिन्। निर्वाचनको लागि महत्वपूर्ण निर्णय लिनु पर्ने अवस्था आएकोले पनि दलहरुको सहभागिता सरकारमा हुनु पर्ने उनको तर्क थियो।
प्रधानन्यायाधीशको नेतृत्वमा चुनावी सरकार गठन हुन नसक्ने अवस्थामा संविधानसभाको पुनःस्थापना गरेर निकास खोज्नु पर्ने उनको तर्क थियो। पत्रकार सम्मेलनमा राजनीतिक संकट, महिला हिंसा, बैदेशिक रोजगारीमा ठगी, मधेस र अहिलेको सरकारको अवस्थामा पार्टीको धारणा सार्वजनिक गरिएको थियो।
जसमा बर्तमान सरकारले जनतालाई सर्वहारा बनाएर आफ्नो समृद्धिको लागि मात्रै काम गरिरहेकोले तत्काल यो सरकारको निर्सत बर्हिगमन हुनु पर्नेमा जेड दिईएको छ।
त्यसै गरी, दलहरुले तयार पारेको ९ बुँदे प्रस्ताव संक्रमणकाललाई लम्ब्याउने उद्देश्यले आएकोले त्यसलाई प्रधानन्यायाधीशले स्विकार्न नहुनेमा समेत जोड दिईएको छ। त्यस्तै बैदेशिक रोजगारीमा जानेको विषयमा ब्यापक ठगि भईरहेकोले त्यसको स्वतन्त्र छानविन हुनु पर्ने, मधेसका साना किसान र उद्यमिलाई सहज ऋण उपलब्ध गराउनु पर्ने र महिला हिंसाको मुल्य पैसा नभएकोले महिला सञ्जालले सरकारले दिएको ३० लाख रुपैया स्विकार्न नहुनेमा समेत जोड दिईएको छ।
Join Us:
YouTube: http://www.youtube.com/HKNepal
Like Facebook Fan Page: http://alturl.com/uvemh
Twitter: http://alturl.com/ffko4
Google+: http://alturl.com/fsu8b
हामीसंगै रहनको लागिः फेसबुक | ट्विटर | गुगल प्लस
