एचकेनेपाल डट कम संवाददाता-
महोत्तरी, २३ फागुन । भिन्न भिन्नै सडक दुर्घटनामा मंगलवार ५ जनाको मृत्यु र दर्जनौं घाइते भएका छन्।
महोत्तरीको बर्दिवास सिन्धुली सडक खण्डमा मंगलार दिउंसो बेहुली लिएर फर्केको जन्ती बस दुर्घटना हुँदा तीन जनाको मृत्यु भएको छ। मृत्यु हुनेहरूमा महोत्तरी खुट्टा पिपराडिका विनेश पण्डित र रामभरोसी पण्डित छन्। एक जनाको सनाखत हुन नसकेको प्रहरीले जनाएको छ। घटनामा ४० जना घाईते भएका छन्। घाइतेमध्ये ४ जनाको अवस्था गम्भीर रहेको छ। महोत्तरीको खुट्टा पिपराडिबाट बेहुली लिएर फर्केको बस गौरीबासको पाटुमा दुर्घटनाग्रष्त भएको हो।
त्यसैगरी, रोल्पाबाट प्यूठान जाँदै गरेको गाडी दुर्घटना हुंदा दुईजनाको मृत्यु भएको छ। मृत्यु हुनेमा रोल्पाका २७ वर्षीय राजु पुन रहेका छन् भने अर्कोको सनाखत हुन नसकेको प्रहरीले जनाएको छ। लु १ ख ६१५९ नं. को हाइस जिप प्यूठानको हंसपुर गाविस ९ बड्डाँडामा दुर्घटना भएको हो।
हामीसंगै रहनको लागिः फेसबुक | ट्विटर | गुगल प्लस
